Va tantu tiempu que tan nel esteriorque ya ta avezau a cellebrar
toles fiestas que-y faigan recordar
anque acaben mecies nel dolor.
Ya-y habien trayío unes castañas
que-y mandó la güelina co`l cestu.
Fixo colos de casa l'amagüestu
y suañó cola so tierra y sos montañes.
Cualquier día ye bonu p`alcordase,
pero hai una fecha n`especial
que`l, que ta lexos, pásalo mui mal
y l`alcordanza, failu emocionase.
Sacó Antón con cuidau del armariu
una camisa, el chalecu con el "pin"
d'humanitariu, pues yera Samartin,
y la montera, faltaba-y l`escenariu.
Quiso facelo lo más apaecío
que púo tando nun país lexanu
y axuntó tolos. amigos y un hermanu.
N`estes feches sólo-y faltaba`l frio.
Escanciaron sidrina pa beber
después xintaron fabes con llacón,
casadielles y un plato de panchón.
Tenia bona mano la muyer.Cantaron l`Asturies patria quería”
y unes cuantas tonaes ayeranes
y entós tapó la cara coles manes
pa esconder la llárima que-y cayía.
Fíxose un gran silenciu nel salón
que solo entiende bien el que ta fuera
y apareció la tristura, de manera
que- yos dexó encoyíu`l corazón.
Saliose de la mesa suspirando,
Paño`l teléfonu de la cocina
y marcó`l númberu de la güelina
que al momento contestó. Taba
esperando.
Si l`once de payares, Samartín,
Fuera d'Ayer veis a daquien llorando
Y nun ta malu ni-y están pegando,
Ye un ayeran con pena el probitín
Fernando Súarez Albalá
Enlace relacionado: http://www.humanitariossanmartin.org/
.jpg)
.jpg)
No hay comentarios:
Publicar un comentario